Category Archives: event

Աբակուս կենտրոնը Օհանյան կրթահամալիրում

Աբակուսը գալիս է ձեզ մոտ ու մշտական բնակություն է հաստատելու ՕՀԱՆՅԱՆ կրթահամալիրում:

Սկսած սույն թվականի ապրիլ ամսից՝ կարող եք դառնալ Աբակուս մեծ ընտանքի անդամ, եթե գաք ՕՀԱՆՅԱՆ կրթահամալիր: Հասցեն՝ Իսահակյան թաղամաս 5/6, Ավան վարչական շրջան:

Երկու նոր մեթոդների՝ մտավոր թվաբանության և մեծահասակների համար ուղեղի մարզանքի (Brain fitness) շնորհանդեսը կվարի Հայաստանում Աբակուս կենտրոնի հիմնադիր Բորիս Ֆոկինը:

Մարտի 18-ին՝ ժամը 13:55-ին, եկե՛ք ՕՀԱՆՅԱՆ կրթահամալիր, ծանոթացե՛ք ձեր ուղեղը զարգացնելու նոր մեթոդներին ու աջակցե՛ք ձեր փոքրիկի զարգացմանը:

Սա բացառիկ հնարավորություն է մասնակցելու Աբակուս կենտրոնի վարպետության դասին ու հենց ձեզ վրա փորձարկելու մեր նորարար մեթոդները (սպասվում էն անակնկալներ)։

Աբակուս կենտրոնում ձեր երեխաները կիմանան, որ սովորելու պրոցեսն իսկապես շատ հեշտ է, ուրախ ու հետաքրքիր, մենք կբարձրացնենք նրանց ինքնագնահատականը ու կզարգացնենք ուղեղի կարողությունները (ուշադրություն, տրամաբանություն, հիշողություն, երևակայություն): Էլ ի՞նչ է պետք կատարյալ երջանկության համար: Վստահե՛ք ձեր երեխաների կարողություններին. նրանք կարող են ավելին:

Իսկ եթե չեք ուզում հետ մնալ ձեր փոքրիկներից, ուզում եք դիմակայել արտաքին ազդակներին ու առաջընթաց ունենալ, ձեզ առաջարկում ենք մասնակցել ուղեղի մարզանքին: Եկե՛ք ու անմիջապես զգացե՛ք այս հրաշալի մեթոդի ազդեցության ուժը:

Սեմինարի մուտքն ազատ է։
Միացեք մեզ,
Գրանցվեք http://bit.ly/2t3Inax
Կամ զանգահարեք 055 795 577 հեռախոսահամարով:

ԻՄԴՊՐՈՑ հարթակի աշխատանքները և կրթահամալիրրի համագործակցությունը

Հարգելի՛ ծնողներ,

ԻՄԴՊՐՈՑ կրթական հայալեզու հարթակն այժմ հասանելի է նաև ՕՀԱՆՅԱՆ կրթահամալիրի բոլոր աշակերտներին և ուսուցիչներին:

Մեկ ամիս շարունակ (մինչև փետրվարի 15-ը) մենք կունենանք բաժանորդագրություն և հասանելիություն գրավոր աշխատանքների կատարման և ստուգման օնլայն հնարավորություններին:

Կայքում աշխատելը հետաքրքիր է և ոգևորող. երեխան ստուգում, ամրապնդում է իր գիտելիքները, լուծում խնդիրներ, ապա շատ արագ տեսնում իր աշխատանքների արդյունքը սահմանված միավորներով, ճշտում իր, իր դասարանի կամ դպրոցի տեղը լավագույնների ցանկում: Կարող է նաև անդրադառնալ թույլ տված սխալներին, տեսնել դրանց ճիշտ տարբերակները և նորից աշխատել առաջադրանքների շուրջ:

Խնդրում ենք հետևել երեխաների օնլայն աշխատանքին, քանի որ առաջիկա մեկ ամսվա ընթացքում նրանք կստանան առաջադրանքներ տարբեր մասնագետներից: Մեկ ամսվա աշխատանքի արդյունքը կլինի որոշիչ ԻՄԴՊՐՈՑԻ տարեկան փաթեթը տնօրենության կողմից գնելու հարցում:

Նշենք, որ հարթակի աշխատանքներին լավագույն մասնակցություն ունենալու և կրթության որակը բարձրացնելու նպատակով տնօրենության հովանավորությամբ

-կրթահամալիրի ուսուցիչներն անցել են համապատասխան վերապատրաստում,

-գրանցվել հարթակում,

-անուն առ անուն գրանցել կրթահամալիրի բոլոր աշակերտներին,

– տրամադրել նրանց մուտքի անուն և գաղտնաբառ,

-կազմել առաջադրանքներ տարբեր դասարանների համար:

Վերապատրաստման մեկ ամսվա ընթացքում հարթակում կատարված աշխատանքների շնորհիվ կրթահամալիրը կարողացել է իր տեղը զբաղեցնել ՀՀ դպրոցների լավագույն հարյուրյակի շարքում` այս պահին գտնվելով 37-րդ հորիզոնականում: Դուք ևս կարող եք տեսնել ձեր երեխաների կարգավիճակը, կատարած աշխատանքները և միավորները, հետևել նրանց ակտիվությանը, ոգևորել, որպեսզի հաճախ մասնակցեն հայտարարվող բաց մրցույթներին և դրսևորեն սեփական ուժեղ կողմերը:

Առաջիկայում ԻՄԴՊՐՈՑԻ կողմից նախատեսվում են վերապատրաստումներ նաև աշակերտների և ծնողների համար. այդ մասին տեղյակ կպահենք լրացուցիչ կարգով:

Նորագույն տեխնոլոգիաների մեր դարաշրջանում երևի արդեն ավելորդ է խոսել երեխաներին համակարգչից ու համացանցից հեռու պահելու մասին. հարկավոր է մտածել այդ ամենը երեխաների ուսմանն ու առաջադիմությանը ծառայեցնելու մեխանիզմների մասին, ինչին էլ միտված են ԻՄԴՊՐՈՑ հարթակի աշխատանքները և կրթահամալիրրի համագործակցությունը այդ հարթակին:

ԳԻՏՈՒԹՅԱՆ ԱՅԲԲԵՆԱՐԱՆԻ ՇՆՈՐՀԱՆԴԵՍ

ԳԻՏՈՒԹՅԱՆ ԱՅԲԲԵՆԱՐԱՆ ձեռնարկը հասցեագրված է ուսուցիչներին, ծնողներին և ոչ միայն…

Ձեռնարկի հեղինակ` Սուսաննա Սամվելի Օհանյան
Նկարչական ձևավորումը` Դավիթ Ռոբերտի Սահակյանց

ԳԻՏՈՒԹՅԱՆ ԱՅԲԲԵՆԱՐԱՆ ձեռնարկը կներկայացվի 31.05.17-ին` ժամը 10:00-12:00-ը կայանալիք Գիտության փառատոնի ընթացքում:

Ձեռնարկը նախատեսված է ինչպես ԳԻՏՈՒԹՅՈՒՆ առարկան դասավանդող ուսուցիչների, այնպես էլ ծնողների համար:
Այսօր արդեն ուսուցման նոր եղանակները սովորողին հնարավորություն են ընձեռում դպրոցին զուգահեռ` նաև տանը, ծնողի վերահսկողությամբ և ինքնուրույնաբար իրականացնել ուսուցման գործառույթներ, որոնք մեծացնում են ծնողի` որպես տնային մանկավարժի դերը: Ձեռնարկը կարող է օգտակար լինել նաև նրանց համար, ովքեր հետաքրքրվում են բնական գիտություններով, ցանկանում են փորձարարական ճանապարհով բացահայտել բնության երևույթները, հասկանալ մեր շուրջը կատարվող հրաշք-երևույթների գիտական հիմքերը:

Facebook IconԿրթական հարթակ