Category Archives: event

Ամառային դպրոց

Հունիսի 4-ից STEAM ամառային դպրոցն իր դռներն է բացում ՕՀԱՆՅԱՆ կրթահամալիրի հարկի տակ:

Դպրոցի ինտերակտիվ ուսուցողական ժամերը կկազմակերպվեն STEAM ծրագրի բաղկացուցիչ առարկաների ընդգրկմամբ. այն է`
ԳԻՏՈՒԹՅՈՒՆ
ՏԵԽՆՈԼՈԳԻԱ
ԻՆԺԵՆԵՐԻԱ
ԱՐՎԵՍՏ
ՄԱԹԵՄԱՏԻԿԱ

Գիտությունը կուսումնասիրեն հրաշալի և կախարդական գիտափորձերի միջոցով, կստեղծեն սեփական ջրապտույտն ու հրաբուխը, կհիանան իրենց իսկ ստեղծած ծիածանի գունային նրբերանգներով…

Տեխնոլոգիայի պարապմունքների ընթացքում կսովորեն պատրաստել ջրաշուշաններ, որոնք կախարդական փայտիկի մի հպումով կբացվեն ջրում, կպատրաստեն հրթիռ` ամենասովորական խցանից, և գունեղ բացիկներ, մրգեր ու տիկնիկներ` թղթի թափոնից…

Ինժեներիա առարկայի շրջանակներում կկառուցեն կամուրջներ, կնախագծեն ինքնաթիռներ, կպատրաստեն ինքնագնաց ու բեռնատար, և բոլորը` սեփական ձեռքերով…

Արվեստը կուսումնասիրեն իբրև արվեստագետներ` նյութերի հատկություններն ուսումնասիրելուց հետո դրանք օգտագործելով` կպատրաստեն կոլաժներ, կգունավորեն մոմակալներ ու բաժակներ. կարարեն ձեռքերով, մտքով ու հոգով…

Իսկ մաթեմատիկան, ինչպես կարծում են մաթեմատիկոսները, բոլոր գիտությունների թագուհին է, և ամառային դպրոցի սաներն, անշուշտ, կկազմակերպեն մրցույթներ, կլուծեն գլուխկոտրուկներ, հետաքրքրաշարժ խնդիրներ…

Այսպիսով`
Ամառային կախարդական գիտական դպրոցը կգործի ամեն օր՝ ժամը 10:00-17:00-ը` բացի շաբաթ և կիրակի օրերից:

Տարրական, միջին և ավագ օղակների սաների համար կգործեն առանձին խմբեր:

Պարապմունքները կընդմիջվեն նախաճաշի, ճաշի և ետճաշիկի ժամերով:

Գրանցվելու կամ մանրամասներ ճշտելու համար կարող եք.
այցելել կրթահամալիր,
գրել admin@ohanyan.eiu.am էլեկտրոնային հասցեին,
զանգահարել 61-76-83, 077-07-02-05 հեռախոսահամարներին:

Կրթահամալիրի հասցեն.
Ավան, Իսահակյան 5/6

Մեր առաջնահերթ նպատակը մտածող սերունդ կրթելն է…

Մեր առաջնահերթ նպատակը զարգացած, մտածող, պայքարող, հաղթող, իսկ պարտության դեպքում հպարտորեն և արժանապատվորեն պարտվող սերունդ կրթելն է…

Շախմատի դասերը ծառայում են ի նպաստ այդ նպատակի, իսկ մեր ծրագրում շախմատ ուսուցանվում է քսանամյա կրթահամալիրի հիմնադրման առաջին իսկ օրվանից, երբ դեռ առարկան դպրոցներում ներմուծելու խնդիրն անգամ չէր քննարկվում կրթական միջավայրում:

Image may contain: 3 people, people sitting, chess, child and table

ՀՀ կրթության և գիտության նախարարություն

Հաստատվել է քննությունների ժամանակացույցը

ՀՀ կրթության և գիտության նախարարի պաշտոնակատար Վահրամ Մկրտչյանի հրամանով հաստատվել են 2017-2018 ուսումնական տարվա գիտելիքների ստուգման, պետական ավարտական քննությունների կազմակերպման, անցկացման աշխատակարգը և ժամանակացույցը: Համաձայն աշխատակարգի` հանրակրթական ուսումնական հաստատության 4-րդ և 9-րդ դասարաններում անցկացվում են համապատասխանաբար` գիտելիքների ստուգում և պետական ավարտական քննություններ` հունիսի 1-24-ը: Հաստատությունների 12-րդ դասարաններում անցկացվում են պետական ավարտական քննություններ` հունվարի 25-29-ը և /կամ հունիսի 1-24-ը:
Քննությունների համար սահմանված է հետևյալ գրաֆիկը.
12-րդ դասարան
«Հայոց լեզու և հայ գրականություն» /գրավոր/-06.06.2018թ
«Մաթեմատիկա» /գրավոր/- 13.06.2018թ.
«Հայոց պատմություն» /գրավոր/-20.06.2018թ.
«Ֆիզկուլտուրա»-/նորմատիվների հանձնում/՝ ուսումնական պարապմունքների վերջին շաբաթվա ընթացքում (ստուգարք):
9-րդ դասարան
«Հայոց լեզու և հայ գրականություն» /գրավոր/-04.06.2018թ.
«Գրականություն» /բանավոր/-07.06.2018թ.
«Մաթեմատիկա» /գրավոր/-11.06.2018թ.
«Օտար լեզու» («Ռուսերեն», «Անգլերեն», «Ֆրանսերեն», «Գերմաներեն» և այլ լեզուներ) /բանավոր/-14.06.2018թ.
«Բնագիտություն» /«Ֆիզիկա», «Քիմիա», «Կենսաբանություն», «Աշխարհագրություն»/ /գրավոր/-18.06.2018թ.
«Հայոց պատմություն» /բանավոր/-21.06.2018թ.
«Ֆիզկուլտուրա» /նորմատիվների հանձնում/-քննաշրջանի ընթացքում 

4-րդ դասարան
«Մայրենի» /գրավոր/- 02.06.2018թ.
«Մաթեմատիկա» /գրավոր/-05.06.2018թ.:

Միաժամանակ տեղեկացնում ենք, որ 2017-18 ուսումնական տարվա միասնական քննությունները կմեկնարկեն հունիսի 1-ից:
«Կենսաբանություն», «Աշխարհագրություն», «Ընդհանուր պատմություն»-01.06.2018թ.
«Հայոց լեզու և գրականություն»-05.06.2018թ.
«Ֆիզիկա»- 08.06.2018թ.
«Օտար լեզու»-12.06.2018թ.
«Մաթեմատիկա»-15.06.2018թ.
«Հայոց պատմություն», «Քիմիա» -19.06.2018թ.
«Ռուսաց լեզու»-22.06.2018թ.

Աբակուս կենտրոնը Օհանյան կրթահամալիրում

Աբակուսը գալիս է ձեզ մոտ ու մշտական բնակություն է հաստատելու ՕՀԱՆՅԱՆ կրթահամալիրում:

Սկսած սույն թվականի ապրիլ ամսից՝ կարող եք դառնալ Աբակուս մեծ ընտանքի անդամ, եթե գաք ՕՀԱՆՅԱՆ կրթահամալիր: Հասցեն՝ Իսահակյան թաղամաս 5/6, Ավան վարչական շրջան:

Երկու նոր մեթոդների՝ մտավոր թվաբանության և մեծահասակների համար ուղեղի մարզանքի (Brain fitness) շնորհանդեսը կվարի Հայաստանում Աբակուս կենտրոնի հիմնադիր Բորիս Ֆոկինը:

Մարտի 18-ին՝ ժամը 13:55-ին, եկե՛ք ՕՀԱՆՅԱՆ կրթահամալիր, ծանոթացե՛ք ձեր ուղեղը զարգացնելու նոր մեթոդներին ու աջակցե՛ք ձեր փոքրիկի զարգացմանը:

Սա բացառիկ հնարավորություն է մասնակցելու Աբակուս կենտրոնի վարպետության դասին ու հենց ձեզ վրա փորձարկելու մեր նորարար մեթոդները (սպասվում էն անակնկալներ)։

Աբակուս կենտրոնում ձեր երեխաները կիմանան, որ սովորելու պրոցեսն իսկապես շատ հեշտ է, ուրախ ու հետաքրքիր, մենք կբարձրացնենք նրանց ինքնագնահատականը ու կզարգացնենք ուղեղի կարողությունները (ուշադրություն, տրամաբանություն, հիշողություն, երևակայություն): Էլ ի՞նչ է պետք կատարյալ երջանկության համար: Վստահե՛ք ձեր երեխաների կարողություններին. նրանք կարող են ավելին:

Իսկ եթե չեք ուզում հետ մնալ ձեր փոքրիկներից, ուզում եք դիմակայել արտաքին ազդակներին ու առաջընթաց ունենալ, ձեզ առաջարկում ենք մասնակցել ուղեղի մարզանքին: Եկե՛ք ու անմիջապես զգացե՛ք այս հրաշալի մեթոդի ազդեցության ուժը:

Սեմինարի մուտքն ազատ է։
Միացեք մեզ,
Գրանցվեք http://bit.ly/2t3Inax
Կամ զանգահարեք 055 795 577 հեռախոսահամարով:

ԳԻՏՈՒԹՅԱՆ ԱՅԲԲԵՆԱՐԱՆԻ ՇՆՈՐՀԱՆԴԵՍ

ԳԻՏՈՒԹՅԱՆ ԱՅԲԲԵՆԱՐԱՆ ձեռնարկը հասցեագրված է ուսուցիչներին, ծնողներին և ոչ միայն…

Ձեռնարկի հեղինակ` Սուսաննա Սամվելի Օհանյան
Նկարչական ձևավորումը` Դավիթ Ռոբերտի Սահակյանց

ԳԻՏՈՒԹՅԱՆ ԱՅԲԲԵՆԱՐԱՆ ձեռնարկը կներկայացվի 31.05.17-ին` ժամը 10:00-12:00-ը կայանալիք Գիտության փառատոնի ընթացքում:

Ձեռնարկը նախատեսված է ինչպես ԳԻՏՈՒԹՅՈՒՆ առարկան դասավանդող ուսուցիչների, այնպես էլ ծնողների համար:
Այսօր արդեն ուսուցման նոր եղանակները սովորողին հնարավորություն են ընձեռում դպրոցին զուգահեռ` նաև տանը, ծնողի վերահսկողությամբ և ինքնուրույնաբար իրականացնել ուսուցման գործառույթներ, որոնք մեծացնում են ծնողի` որպես տնային մանկավարժի դերը: Ձեռնարկը կարող է օգտակար լինել նաև նրանց համար, ովքեր հետաքրքրվում են բնական գիտություններով, ցանկանում են փորձարարական ճանապարհով բացահայտել բնության երևույթները, հասկանալ մեր շուրջը կատարվող հրաշք-երևույթների գիտական հիմքերը:

Facebook IconԿրթական հարթակ